Viadomy muzyka, šoumen i viadučy Alaksandr Pamidoraŭ u minuły čaćvier — 13 vieraśnia — zvolniŭsia z radyjoprahramy Sputnik Biełaruś. Na hetym partale viadučy adpracavaŭ 2 hady i 4 miesiacy.
Što ž prymusiła Alaksandra Kryvašejeva (tvorčy psieŭdanim Pamidoraŭ) pamianiać pracu? «Jość peŭnyja prafiesijnyja i asabistyja rečy, ź jakimi ja nie moh pahadzicca. Syści mnie adtul było vielmi ciažka, mianie nie chacieli adpuskać», — raskazaŭ dla «NN» muzyka.
Ci nie škaduje jon, što ŭ svoj čas abraŭ mienavita hety resurs dla pracy? «Nie, absalutna nie škaduju. Heta było majo asabistaje rašeńnie. Treba try razy vielmi mocna padumać, kab mazać hetych ludziej, jak kramloŭskuju ahienturu. Chaču skazać, što z prafiesijnaha hledzišča kamanda «Sputnika» — vielmi mocnaja. I ja chaču adznačyć svaju pavahu da kalektyvu. Ale, paŭtarusia, što jość rečy, ź jakimi ja nie mahu pahadzicca», — adznačyŭ Pamidoraŭ.
Ciapier jon budzie pracavać na radyjo «Roks», jakoje śpiecyjalizujecca na šansonie. «Syšoŭ u žyvy efir. Słuchać mianie možna štodnia ad paniadziełka da piatnicy z 11 da 15 hadziny», — praciahvaje šoumen.
Pamidoraŭ — viadomy biełaruskamoŭny rep-vykanaŭca, udzielnik šmatlikich supolnych prajektaŭ, ad «Narodnaha alboma» da «Ja naradziŭsia tut», viadučy mnohich kulturnych padziej.
Ahienctva «Sputnik» — častka rasijskaha prajekta Russia Today viadomaha prapahandysta Dźmitryja Kisialova. «Sputnik» pracuje ŭ troch dziasiatkach krain śvietu, u tym liku ŭ Biełarusi.
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Ciapier čytajuć
«Dyjalekt padazrony». Śpiavak Siaroha pryjšoŭ na rasijskaje realici i sabraŭ usich chejtaraŭ2
Kamientary