Vyviedzieny ličbavy ekvivalent biełaruska-rasiejskaha siabroŭstva. Feljeton Lolika Uškina.
Vyviedzieny ličbavy ekvivalent biełaruska-rasiejskaha siabroŭstva. Feljeton Lolika Uškina.
Kancler Sidorski padkinuŭ Fradkovu strašennuju infarmacyju: kali cana kuba hazu stanie 150 baksaŭ, biełaruska-rasiejskamu braterstvu – kranty.
Kali heta sapraŭdy tak i my ekstrapalujem usiu hamu emacyjnych pačućciaŭ na ceny, možna vyvieści ŭmoŭnuju adzinku pryvabnaści rasiejcaŭ u vačach biełarusaŭ – dalarakubametar. Praściej kažučy: čym bolej treba płacić za błakitnaje paliva, tym my bolš nienavidzim rasiejcaŭ. I naadvarot.
Z adnaho boku, heta superpraryŭ u suśvietnaj histaryjahrafii – vyviedzieny ličbavy ekvivalent biełaruska-rasiejskaha kachańnia. Ciapier historykam budzie praściej aceńvać epizody biełaruska-rasiejskich adnosinaŭ. Naprykład, Aršanskaja bitva – uzrovień siabroŭstva 250 baksaŭ za kub, pabudova kambinatu «Azot» – 12 baksaŭ za kub i h.d.
Adnak adkryćcio Sidorskaha vyhladaje nie takim užo i biaskryŭdnym. Vychodzić, rasiejcy mohuć lohka manipulavać nami. Naprykład, napiaredadni niejkaha adkaznaha matču pa chakiei pamiž zbornymi RF i RB, Miler skidaje košt za pastaŭki hazu da 5 baksaŭ. Naturalna, u biełaruskich chakieistaŭ u hałovach klinić i, zamiest taho kab smačna prypiačatać supiernika, naš abaronca pačynaje jaho całavać sa ślazami na vačach – «siabra, bratka, słavianin!».
Adnak samaje strašnaje, kali ventyl «Hazpromu» akažacca ŭ rukach šyzika. Jon ža moža prosta zahnać nas u emacyjny stupar! Zranku pračynajeśsia – košt za haz 25 baksaŭ. Supernastroj. Žadańnie biehčy da maskoŭskaha ciahnika z bukietam ružaŭ. Tolki vyjšaŭ z domu – pa efemu infa: «Hazprom» padniaŭ ceny da 300 baksaŭ. U dušy ŭsio kipić: chapaješ siakieru i z krykam «Bicie ŭ sercy ich, bicie miačami!» laciš da rasiejskaha pasolstva. Tolki ŭzdymaješ – cana padaje da sta piacidziesiaci... Naturalna, takija emacyjnyja pieraskoki adbivajucca na demahrafičnaj sytuacyi i pasiaŭnoj. Za try dni takoha eksperymentu Biełaruś pieratvoryca ŭ kraj neŭrotykaŭ...
I pakutavać nam jašče, siabry, dosyć doŭha. Pa padlikach vučonych, hazu na Ziamli zastałosia jašče na 150 hadoŭ.
Ciapier čytajuć
Zahinuŭ biełaruski dobraachvotnik Vasil «Dzir» Rapicki12
Kamientary