Maładuju paru ź Viciebska padazrajuć u zabojstvie 28-hadovaj žančyny, cieła jakoj znajšli ŭ lesie ŭ Loźnienskim rajonie. Jak miarkujuć supracoŭniki pravaachoŭnych orhanaŭ, złačyncy chacieli zavałodać kvateraj achviary. Padrabiaznaści paviedamlaje milicyja rehijona.
Infarmacyju pra zabojstva 24 vieraśnia atrymaŭ učastkovy Kastryčnickaha RAUS Viciebska. Jana paćvierdziłasia: u jamie pad pavalenym drevam u lesie ŭ Loźnienskim rajonie milicyjanty znajšli trup 28-hadovaj žycharki Viciebska z paškodžańniami ŭ vobłaści hałavy.
Da viečara taho ž dnia milicyja zatrymała padazravanych u zabojstvie - 21-hadovaha chłopca i 24-hadovuju dziaŭčynu, žycharoŭ abłasnoha centra.
18 vieraśnia para haściavała ŭ achviary. Padčas zastolla chłopiec i dziaŭčyna vyrašyli zavałodać kvateraj haspadyni. Maładyja ludzi vyvieźli žančynu ŭ les, niekalki razoŭ udaryli pa hałavie, a zatym zakapali cieła pad dreva.
Sudmiedekśpierty pavinny dać zaklučeńnie ab pryčynach śmierci žančyny. Zaviedziena kryminalnaja sprava pa fakcie zabojstva.
Kamientary