U Mikałajeŭskaj vobłaści Ukrainy kala pasiołka Kryvoje Voziera adbyłasia čarhovaja maštabnaja avaryja z udziełam hramadzian Biełarusi. U vyniku DTZ vosiem čałaviek atrymali traŭmy, dvoje ź ich — u ciažkim stanie ŭ reanimacyi, adzin u komie. Pra heta TUT.BY paviedamiła aficyjny pradstaŭnik palicyi Mikałajeŭskaj vobłaści Ukrainy Alena Bieražnaja.
DTZ adbyłosia kala 6 hadzin ranicy 4 kastryčnika na 290 km darohi Adesa — Kijeŭ u Kryvaaziorskim rajonie. Mercedes Sprinter ź biełaruskaj rehistracyjaj (numary Homielskaj vobłaści) urezaŭsia ŭ hruzavy padjomny kran Mitsubishi, jaki jechaŭ napieradzie ŭ spadarožnym kirunku.
U sałonie mikraaŭtobusa było 8 čałaviek. Adzin paśla sutyknieńnia pierasieŭ u inšy aŭtamabil, palicyi pra jaho pakul ničoha nie viadoma.
U vyniku DTZ paciarpieli 7 čałaviek, ź ich 6 hramadzian Biełarusi va ŭzroście ad 43 da 66 hadoŭ, u tym liku — kiroŭca mikraaŭtobusa. Jašče adzin 30-hadovy pasažyr — žychar Kijeva.
Paciarpiełym akazvajecca nieabchodnaja mieddapamoha, adzin ź ich u ciažkim stanie.
24-hadovy kiroŭca padjomnaha krana nie paciarpieŭ.
Pa ŭkrainskich zakonach, vinavatamu ŭ DTZ pahražaje pakarańnie ŭ vyhladzie pazbaŭleńnia svabody na termin ad troch da vaśmi hadoŭ.
Nahadajem, u lipieni ŭ Mikałajeŭskaj vobłaści taksama kala pasiołka Kryvoje Voziera rejsavy mikraaŭtobus «Adesa — Homiel» z numarami Homielskaj vobłaści urezaŭsia ŭ hruzavik. Tady zahinuli piać čałaviek, 12 z traŭmami byli špitalizavany.
Ciapier čytajuć
«Jany čamuści dumajuć, što ich zaraz zhvałciać». Prapahanda kinułasia tušyć abureńnie biełarusaŭ 150 tysiačami pakistancaŭ20
Kamientary