Pamočnik prezydenta pa ekanomicy Siarhiej Tkačoŭ zaklikaŭ da raźvićcia chatnich haspadarak na vioscy.
Pamočnik prezydenta pa ekanomicy Siarhiej Tkačoŭ zaklikaŭ da raźvićcia chatnich haspadarak na vioscy.
U artykule «Jašče raz da «Sumy viarškoŭ i kareńčykaŭ» ŭ hazecie «Sovietskaja Biełoruśsija» Siarhiej Tkačoŭ adznačaje padzieńnie vytvorčaści ŭ sialanskich chatnich haspadarkach. Ludzi pierastali trymać śviniej, niama bolš karovaŭ u vioskach. U 2006 hodzie ŭrad pryniaŭ Prahramu raźvićcia i padtrymki asabistych chatnich haspadarak hramadzianaŭ. A zruchaŭ niama, žurycca Tkačoŭ.
Tkačoŭ padmacoŭvaje słovy ličbami. Letaś u ahulnym abjomie sielhaspradukcyi ŭdzielnaja vaha pradukcyi, vyrablenaj u haspadarkach nasielnictva, skłała 34,6%.
Pry hetym, pačynajučy z 1992 h., nazirajecca stałaja tendencyja skaračeńnia kolkaści chatnich haspadarak. Za hety peryjad ich kolkaść skaraciłasia na 19% — z 1.396 tys. da 1.127 tys.
Tkačoŭ dadaje, što pierad tvaram hlabalnaha charčovaha kryzisu musova paspryjać raźvićciu chatnich haspadarak. Jon pryznaŭ, što zakupnyja ceny na małako i miasa zanižanyja, robiać pracu niavyhadnaj. Jon taksama pryznaje vialikija sacyjalnyja prablemy na vioscy — u pryvatnaści, pjanstva.
Adnak myśleńnie Tkačova zastajecca savieckim, rehulatyvisckim: «Było b niapravilna prymać miery pa zaŭčasnym skaračeńni asabistych padsobnych haspadarak. Zaŭčasnaje skaračeńnie asabistych padsobnych haspadarak i adpaviednyja roznaha rodu teoryi nakont hetaha i praktyčna, i palityčna škodnyja», — piša jon. Adrazu ŭspaminajecca NEP, hałavakružeńnie ad uśpiechaŭ... i bieznadziejnaja, dehradavanaja vioska.
U minskim mietro prachodziać vyprabavańni novyja ciahniki FOTY3
U minskim mietro prachodziać vyprabavańni novyja ciahniki FOTY
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju1919
Kamientary