U Mahilovie źniapraŭdzili źviestki pra adstreł badziažnych žyvioł pierad pryjezdam Łukašenki i Pucina
U Mahiloŭskim specaŭtapradpryjemstvie, jakoje zajmajecca adłovam badziažnych žyviołaŭ, admaŭlajuć uzmacnieńnie zachadaŭ u adłovie badziažnych žyvioł napiaredadni i padčas Forumu rehijonaŭ Biełarusi i Rasiei, paviedamlaje «Radyjo Svaboda».
Forum aficyjna pačaŭsia 10 kastryčnika. 12-ha, u apošni jaho dzień, čakajecca pryjezd u Mahiloŭ Alaksandra Łukašenki i Ŭładzimira Pucina.
Źviestki, jakija raspaŭsiudžvajucca ŭ sacyjalnych sietkach, što «ŭ suviazi z pryjezdam prezydentaŭ buduć adstrelvać žyviołaŭ-biesprytulnikaŭ», u specaŭtapradpryjemstvie nazyvać niepraŭdzivymi.
«U nas, jak i raniej pracuje dva ekipažy, — kamentuje sytuacyju pradstaŭnik administracyi specaŭtapradpryjemstva. — Adzinaje, što my ŭziali na kantrol maršrut ruchu vyšejšych słužbovych asobaŭ. Ekipaž nie staić na miescy, a budziem tak havaryć, patruluje hety maršrut».
Abviestka z papiaredžańniem pra, nibyta, adstreł badziažnych žyvioł z 8 pa 13 kastryčnika raspaŭsiudžvajecca ŭ sacyjalnych sietkach. Padpisanaja jana valanterami Mahiloŭskaha tavarystva abarony žyvioł. U joj zaścierahajuć tych, chto apiakujecca žyviołami-biesprytulnikami, kab ich hadavancy nie źjaŭlalisia ŭ dvarach i handlovych abjektach. «Adstreł» arhumentujecca pryjezdam prezydentaŭ.
U Tavarystvie skazali, što takoj abviestki nie vydavali — i nia viedajuć chto heta zrabiŭ.
«Praź jaje ŭ nas prablemy», — prakamentavała abviestku kiraŭnica arhanizacyi Śviatłana Jarmolenkava.
Ciapier čytajuć
Za zabojstva čałavieka ŭ IČU Barysava aryštavali dvuch zekaŭ-recydyvistaŭ i 26‑hadovaha milicyjaniera Klaščonka1
Za zabojstva čałavieka ŭ IČU Barysava aryštavali dvuch zekaŭ-recydyvistaŭ i 26‑hadovaha milicyjaniera Klaščonka
«Vyzvalali niemcaŭ ad fašyzmu, a sami zastavalisia ŭ tym ža dziarmie». Apublikavana treciaja častka ŭspaminaŭ Ryhora Biarozkina pra savieckija represii2020
Kamientary