Baćki pajechali ŭ svaty «zapivać» niaviestu dla syna, a toj nie viedaŭ, chto mieŭ stać jahonaj žonkaj i adno załomvaŭ udoma ruki.
Prahrama «Viaskoŭcy» telekanała «Biełsat» vypraviłasia ŭ padarožža ŭ viosku Vulka Drahičynskaha rajonu da vybitnaha duetu śpievakoŭ — spadaryni Jeŭdakii Zinovič i spadara Fiodara Bułyhi. Niekali ich źjadnała pieśnia, jany stvaryli siamju i, jak kažuć, ciapier majuć mahčymaść repietavać udoma.
Śpievaki raspaviali pra toje, jak niekali chłopcy da kryvi bilisia za dziaŭčat i jak baćki sami vybirali naračonych dla svaich dziaciej. Prahučała ŭ prahramie i daŭniejšaja historyja, jak palašuk chacieŭ zarabić na kałaradskim žuku, ale ŭ vyniku zaznaŭ tolki straty.
Viadoŭca Viktar Šukiełovič zdabyŭ u prahramie aŭtamabilnyja dźviercy dy šukaŭ mašyny, jakaja b da ich pasavała. Akramia hetaha, niaŭrymślivy aŭtar prahramy skrabaŭ bulbu, źbiraŭ malinu i jabłyki, łasavaŭsia susiedčynymi piražkami, ploŭ łapci, raźjazdžaŭ pa vioscy ŭ aŭcie, słuchaŭ aniekdoty z realnaha žyćcia dy atrymlivaŭ asałodu ad staražytnych paleskich śpievaŭ na impravizavanym viaskovym kancercie.
Prahramu «Viaskoŭcy» hladzicie kožnuju sieradu a 18:35 na telekanale «Biełsat» praz spadarožnik «Astra 4A» (raniejšaja nazva «Sirius 4»), anłajn abo ŭ Facebook.
Za zabojstva čałavieka ŭ IČU Barysava aryštavali dvuch zekaŭ-recydyvistaŭ i 26‑hadovaha milicyjaniera Klaščonka8
Za zabojstva čałavieka ŭ IČU Barysava aryštavali dvuch zekaŭ-recydyvistaŭ i 26‑hadovaha milicyjaniera Klaščonka
«Vyzvalali niemcaŭ ad fašyzmu, a sami zastavalisia ŭ tym ža dziarmie». Apublikavana treciaja častka ŭspaminaŭ Ryhora Biarozkina pra savieckija represii3434
Kamientary