Prykładna a 16-j hadzinie na staroncy ŭ fejsbuku piśmieńnika, zasnavalnika vydaviectva «Halijafy» Źmitra Višniova źjaviŭsia nastupny dopis: «Jak stała viadoma, učora na Frankfurckim knižnym kirmašy niečakana pamior Źmicier Višnioŭ. Maje spačuvańni rodnym i blizkim. Smutkujem. Uładzimir Maroz».
Źmicier Višnioŭ. Fota Siarhieja Hudzilina.
Uładzimir Maroz — kinarežysior, knihu jakoha niadaŭna vypuścili «Halijafy». Jon taksama byŭ u Niamieččynie. Ludzi ŭžo pačali vykazvać u kamientarach spačuvańni. Pry hetym častka zadumałasia, ci moža heta być čyimści «razvodam».
Piśmieńnica Janina Pinčuk, jakaja była z vydaŭcom razam u Frankfurcie, paviedamiła, što siońnia Źmicier Višnioŭ razam z usioj astatniaj biełaruskaj hrupaj viarnuŭsia ŭ Minsk. «Prynamsi paru hadzin tamu byŭ žyvy i zdarovy, choć i nie duža viasioły», — skazała Pinčuk.
Vydaviectva «Halijafy» taksama adpisałasia, što ź Višniovym usio dobra. Mabilny numar samoha Višniova pakul nie adkazvaje.
Źmitru Višniovu 45 hadoŭ, jon naradziŭsia ŭ vienhierskim Debrecenie ŭ siamji vajskoŭca. Adzin z zasnavalnikaŭ litaraturnaj supołki «Bum-bam-lit». Višnioŭ viadomy svaimi pravakacyjami. Pakul nieviadoma, chto mienavita tak «pažartavaŭ».
