Praz sutki paśla vychadu z-pad aryštu rasijski apazicyjanier Alaksiej Navalny paviedamiŭ, što jamu źbirajucca pradjavić abvinavačańnie ŭ kryminalnaj spravie pra paklop, jakuju raspačali ŭ mai 2016 hoda. Ranicaj 15 kastryčnika śledčy raspavioŭ pra heta advakatu palityka.
Foto: Wikimedia Commons.
Kryminalnuju spravu suprać Navalnaha raspačali pa častcy 5 artykuła KK 128.1 (Paklop, źviazany z abvinavačvańniem asoby ŭ ździajśnieńni ciažkaha ci asabliva ciažkaha złačynstva). Padstavaj stała zajava byłoha śledčaha MUS i fihuranta «śpisu Mahnickaha» Paŭła Karpava. Były śledčy niezadavoleny publikacyjami, dzie śćviardžajecca, što jon datyčny da hibieli supracoŭnika fondu Hermitage Capital Siarhieja Mahnickaha ŭ 2009 hodzie.