Kamisija pa rasśledavańni avaryi rakiety-nośbita «Sajuz-FH» nie vyklučaje viersii naŭmysnaha paškodžańnia abo niedastatkovaj pravierki niespracavaŭšaha pirazamka na adnym z bakavych błokaŭ rakiety, paviedamiła «RIA Novosti» krynica ŭ rakietna-kaśmičnaj halinie.
«Vyśvietlena, što nie spracavaŭ pirazamok, jaki adkryvaje kłapan baka akiślalnika, ściakajučymi hazami ź jakoha bakavy błok rakiety advodzicca ad centralnaha. Adnak pryčyny hetaha nie jasnyja. Albo naležnym čynam nie praviedzieny pieradstartavy kantrol, albo sami pravierki nie zdolnyja vyjavić takuju niaspraŭnaść i patrabujecca raspracoŭka dadatkovych mietodyk kantrolu, albo, što nie vyklučana kamisijaj ź viersij zdareńnia, avaryja mahła być vynikam sabatažu», — skazaŭ surazmoŭca ahienctva.
Inšaja krynica raspaviała, što praź niaspraŭnaść drenažnaha kłapana, bakavy błok «usparoŭ abšyŭku i baki» druhoj stupieni i vyklikaŭ vybuch. «Tolki dziakujučy sistemie avaryjnaha vyratavańnia, jakaja svoječasova raspaznała pahrozu ekipažu, kasmanaŭtaŭ vyratavali», — skazaŭ surazmoŭca ahienctva.
