U paniadziełak, 22 kastryčnika ŭ Puchavickim rajonie adbylisia masavyja zatrymańni jak miascovych vysokich čynoŭnikaŭ, tak i biznesmienaŭ, paviedamlaje Tut.by sa spasyłkaj na svaje krynicy.
Havorka idzie pra kiraŭnika rajona Siarhieja Lenkaŭca, hiendyrektara «Puchavickaha Ahrapraduktu» Ivana Humoŭskaha i jašče šerah kiraŭnikoŭ.
Siarhiej Lenkaviec uznačaliŭ Puchavicki rajvykankam u kancy 2015 hoda. Da hetaha šeść hadoŭ byŭ staršynioj Biarezinskaha rajvykankama. Paśla zakančeńnia Biełaruskaj dziaržaŭnaj sielskahaspadarčaj akademii čatyry hady pracavaŭ hałoŭnym zaatechnikam u kałhasie «Śvisłač» (ciapier AAT «Hołack»). Z 2003 pa 2009 hod byŭ kiraŭnikom haspadarki.
Staršynia Rady dyrektaraŭ, hienieralny dyrektar ZAT «Puchavicki Ahrapradukt» Ivan Humoŭski davoli viadomy pradprymalnik. Jon stvaryŭ 1200 rabočych miescaŭ. U 2016 hodzie Humoŭski byŭ nazvany Čałaviekam hoda Minščyny. Jon atrymaŭ błasłavieńnie papy rymskaha Bieniadzikta XVI i załaty miedal rymska-katalickaj carkvy za ŭkład u budaŭnictva kaścioła ŭ Marjinaj Horcy.
U pryjomnaj staršyni Puchavickaha rajvykankama nie paćvierdzili, ale i nie abvierhli infarmacyi pra zatrymańnie Lenkaŭca.
Ivan Humoŭski byŭ niedastupny pa mabilnym telefonie. Apošni raz jon vychodziŭ u Viber 22 kastryčnika. U kampanijach hrupy «Puchavicki Ahrapradukt» zajavili, što nie majuć infarmacyi.
Atrymać apieratyŭny kamientar u siłavych strukturach nie ŭdałosia.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym3
Kamientary