Vilniu nazvali idealnym kaladnym horadam Jeŭropy biez natoŭpaŭ turystaŭ
Papularny turystyčny hid AFAR skłaŭ śpis ź dzieviaci haradoŭ Jeŭropy, jakija idealnyja dla Kaladaŭ, ale biez natoŭpaŭ turystaŭ. Kab adčuć duch Kaladaŭ, ale biez narodnych mas, adpraŭlajciesia ŭ hetyja jeŭrapiejskija harady.
Śpis vyhladaje nastupnym čynam: Koburh (Hiermanija), Vinčester (Anhlija), Antvierpien (Bielhija), Karcina d'Ampiecca (Italija), Kalmar (Francyja), Zahrab (Charvatyja), Orchus (Danija), Ratenburh-ob-der-Taubier (Hiermanija), a taksama Vilnia.
«Stalica Litvy — adzin z samych niedaacenienych haradoŭ Jeŭropy, prapanuje śviata siarod baročnaj architektury i špacyr pa zajmalnym siaredniaviečnym Starym horadzie. Zimoj pakrytyja śnieham vulicy Vilni vyhladajuć ramantyčna, a ŭ śniežni tut cełych dzieviać kaladnych rynkaŭ, zaznačaje AFAR.
«U śniežni na Kafiedralnym placy Vilni vy znojdziecie hlintviejn, vypiečku i tradycyjnyja litoŭskija pačastunki, a na Ratušnaj płoščy zmožacie kupić mnostva padarunkaŭ i ŭpryhožańniaŭ. Kali vy pryjedziecie ŭ Vilniu 1 śniežnia, kali tam pravodzicca Mižnarodny kaladny dabračynny kirmaš, to zmožacie nabyć śviatočnyja tavary z usiaho śvietu. A kali budziecie ŭ Vilni z 18 pa 23 śniežnia, to adpraŭlajciesia da dyzajnierskaha skviera na płoščy Vincasa Kudzirki, dzie buduć pradstaŭleny ŭnikalnyja rečy litoŭskich dyzajnieraŭ i pracy mastakoŭ», — adznačaje turystyčny partał.
Ciapier čytajuć
«Jany čamuści dumajuć, što ich zaraz zhvałciać». Prapahanda kinułasia tušyć abureńnie biełarusaŭ 150 tysiačami pakistancaŭ23
Kamientary