Źmicier Vajciuškievič pradstaviŭ u Internecie novy albom «Lublu» na vieršy Uładzimira Majakoŭskaha. Kancertnaja prezientacyja dyska ŭ Minsku adbudziecca 2 listapada ŭ prastory «Ok16».
Heta ŭžo druhaja sustreča Vajciuškieviča ź vieršami Majakoŭskaha. Pieršaja skončyłasia albomam «MW» (2005), jaki sam śpiavak ličyć niedaskanałym. Novy dysk «Lublu» — heta adnačasova praca nad pamyłkami i krok napierad.
— Jon bolš raznastajny pa stylach: ad džazu i akademičnaj muzyki da alternatyŭnaha roku dy chip-chopu, — raspaviadaje Vajciuškievič. — Da taho ž minułym razam było zašmat słovaŭ, a zaraz ja chacieŭ bolš muzyki. Nu, i niekalki piesień ź pieršaha alboma nanoŭ pierarabiŭ. Jak mnie padajecca, bolš udała.
Na albomie «Lublu» vieršy Majakoŭskaha dvojčy hučać pa-biełarusku: «Pasłuchajcie» u pierakładzie Ryhora Baradulina i «Razmova ź fininśpiektaram ab paezii» u pierakładzie Vitala Ryžkova. Apošni taksama čytaje rep u adpaviednaj pieśni.
Kancertnaja prezientacyja dyska adbudziecca ŭ zale «Ok16» (vuł. Kastryčnickaja, 16). U pieršaj častcy prahučyć novy albom, u druhoj — lepšyja pieśni ź inšych dyskaŭ Vajciuškieviča. Kvitki: ad 24 da 33 rubloŭ na sajcie i ŭ kasach Kvitki.by. Pačatak u 19:00. Daviedka: (033) 661 14 32.
Ciapier čytajuć
«Jany čamuści dumajuć, što ich zaraz zhvałciać». Prapahanda kinułasia tušyć abureńnie biełarusaŭ 150 tysiačami pakistancaŭ23
Kamientary