Amierykanski piśmieńnik Styvien Kinh pradaŭ pravy na ekranizacyju svajho apaviadańnia «Viełatrenažor» za $ 1 padletkam z Uelsa. Pra heta paviedamlaje hazieta The Guardian
Adznačajecca, što padletki nastupnyja paru miesiacaŭ buduć pracavać nad scenarom, zdymačny praces płanujecca pačać da Kaladaŭ. Jany nie zmohuć atrymać prybytak z prakatu, adnak raźličvajuć, što film budzie pakazany na fiestyvalach.
Pa dadzienych The Guardian, padletki, jakija źviarnulisia da piśmieńnika, źjaŭlajucca studentami Blaenau Gwent Film Academy.
Pa słovach Kievina Filipsa z Uelskaj kampanii Green Valley Film Productions, jakaja budzie akazvać padletkam dapamohu ŭ pracy nad filmam, Styvien Kinh adkazaŭ im na praciahu 24 hadzin, raspavioŭšy pra ŭmovy atrymańnia pravoŭ. «Na praciahu niekalkich dzion kantrakt byŭ padpisany, i my adpravili dalar u ZŠA» - padzialiŭsia Filips.
Takija ŭmovy byli pradastaŭleny padletkam u ramkach prajekta piśmieńnika «Dalaravy mały», zhodna ź jakim studenty mohuć nabyć za $ 1 pravy na ekranizacyju niekatorych jaho historyj.
U apaviadańnia Kinha «Viełatrenažor» raspaviadajecca pra mastaka, jaki pačynaje zajmacca na viełatrenažory ŭ padvale svajho doma, kab źnizić uzrovień chalesterynu. Jon skuplaje karty, prakładaje maršruty ź Ńju-Jorka ŭ horad Chierkimier i kožny raz adznačaje kolki prajechaŭ da miesca pryznačeńnia. Adnak z časam u jaho źjaŭlajecca niejkaja dumka, što padčas štodzionnych «pajezdak» za im niechta sočyć.
Ciapier čytajuć
«Jany čamuści dumajuć, što ich zaraz zhvałciać». Prapahanda kinułasia tušyć abureńnie biełarusaŭ 150 tysiačami pakistancaŭ23
Kamientary