27 lipienia žycharka adnoj sa słuckich viosak vyklikała «chutkuju». Jana raspaviała dyśpietčaru, što jaje sužyciel atrymaŭ mocnyja apioki. Miedyki špitalizavali mužčynu ŭ reanimacyju — jon atrymaŭ bolš čym 70% apiokaŭ na ŭsio cieła. Asabliva mocna abhareli hałava, šyja i hrudzi, raspaviadaje padrabiaznaści słucki «Infa-Kurjer».
Niahledziačy na mocnyja apioki, mužčyna byŭ u prytomnaści. U balnicu pryjechała milicyja, paciarpieły raspavioŭ, što ramantavaŭ na padvorku bienzapiłu, a kali zapraŭlaŭ jaje bienzinam, trochi abliŭsia. Paśla vyrašyŭ pakuryć i vypadkova padpaliŭ vopratku. Padpaleny, jon zabieh u dom, dzie jaho i patušyli.
Ale ž sužycielka čamuści paviedamiła zusim inšaje. Pa słovach žančyny, jana hatavała na kuchni ježu, a mužčyna padyšoŭ nadta blizka da plity i niezrazumieła čamu zahareŭsia. Žančyna stała jaho ablivać vadoj. Patušyła i vyklikała «chutkuju».
Milicyja źviarnuła ŭvahu na hetyja supiarečnaści i pačała praviarać kryminalnuju viersiju. Vyśvietliłasia, što ŭ domie byŭ i siabar pary. Jon i raspavioŭ, što nasamreč usie troje vypivali, paśla pamiž sužycielami zaviazałasia svarka. Žančyna razzłavałasia, schapiła butelku ź bienzinam i abliła sužyciela. Zatym padpaliła jaho zapałkami.
Paśla razam z sabutelnikam mužčynu palili vadoju, nakidvali na jaho koŭdru, kab zhasić. Dy i chutkuju vyklikali zusim nie adrazu.
U vyniku žančynu źmiaścili pad vartu. Joj pahražaje da 10 hadoŭ. A paciarpieły mužčyna znachodzicca ŭ balnicy - jon u komie.
Ciapier čytajuć
«Jany čamuści dumajuć, što ich zaraz zhvałciać». Prapahanda kinułasia tušyć abureńnie biełarusaŭ 150 tysiačami pakistancaŭ23
Kamientary