Siońnia na pasiadžeńni Rady pa raźvićci pradprymalnictva abmiarkoŭvali karekciroŭku Padatkovaha kodeksa i majomasnyja adnosiny. Kiraŭnik rady, pieršy vice-premjer Alaksandr Turčyn žorstka raskrytykavaŭ sistemu kamandzirovačnych ŭ krainie, piša Tut.by. Pavodle jaho słoŭ, sistema pavinna spraścicca.
— Ja sa ździŭleńniem daviedaŭsia, što ŭ kamandziroŭkach u nas zastałosia ŭsio jak było, — zajaviŭ Turčyn. — Jość pazicyja ŭrada, jość daručeńnie Ministerstvu finansaŭ,- - usie hetyja rečy kardynalna spraścić. Kancept pakul taki: jość peŭnaja suma, pry jakoj nie buduć patrabavać paćviardžalnyja dakumienty, i jaje śmieła možna adnosić na vydatki. Niadaŭna byŭ u kamandziroŭcy ŭ Maskvie. Jak zvyčajna dastaŭ stary pasadačny tałon, parvaŭ na dźvie častki i chacieŭ vykinuć u śmietnicu. Dobra, što pamočnik paśpieŭ jaho pierachapić: «Jak ža vam apłaciać bilet na samalot?» Pasłuchajcie, ale ž apłata prajšła pa bieznajaŭnym, jość štamp u pašparcie i hetak dalej. Tyja ž sutačnyja. Śniadanak — minus 30% ad kamandzirovačnych, abied — minus 70%. Niejkija dziŭnyja padychody nieviadoma dla jakich met praduhledžanyja.
A kolki raspačynajecca kryminalnych spraŭ z hetaj nahody. Naprykład, kiroŭcu dali kamandzirovačnyja, jon pajechaŭ, pieranačavaŭ u kabinie mašyny, a ŭ haścinicy ŭziaŭ cetlik, što tam pieranačavaŭ. Praviali pa buchhałteryi. Zatym prychodziać pravaachoŭnyja orhany, raspačynajecca kryminalnaja sprava, maŭlaŭ, machlarstva. Navošta heta robicca? Addajcie vy jamu hetyja 100 dalaraŭ, chaj dzie choča, tam i śpić. U mašynie, u haścinicy, jašče niedzie. Kolki nastupstvaŭ niasuć hetyja dziŭnyja normy, prosta dzivišsia.
Pieršy vice-premjer paabiacaŭ prykłaści maksimum namahańniaŭ, kab u pytańni kamandzirovačnych «usio było prosta i zrazumieła».
Hurt «Drazdy» pakidaje scenu i vinavacić u hetym «hipieraktyŭnych błohieraŭ»5
Hurt «Drazdy» pakidaje scenu i vinavacić u hetym «hipieraktyŭnych błohieraŭ»
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha182182
Kamientary