Biznesmien Arkadź Izrailevič ulapaŭsia ŭ čarhovy skandał.
Sutnaść u tym, što jahonaja darahaja mašyna była pryparkavanaja na miescy dla invalidaŭ. U vyniku viadučy Juryj Tabolin, jaki mieŭ prava stajać na hetym miescy, vymušana padpior «Bentli» Izraileviča.
Sa słovaŭ Tabolina, praz paŭhadziny jamu pazvanili sa słovami «prybiary mašynu, a to nie budzie čaho prybirać», a potym jašče i abłajali ŭ duchu «nie darma ciabie pryroda abdzialiła».
Jak kamientuje situacyju Izrailevič?
Jon kaža, što ni pry čym, bo za styrnom byŭ kiroŭca.
Ale i ŭ ščyraści Tabolina sumniajecca taksama.
«Ja byŭ nie ŭ horadzie. Moža tam kiroŭca kaho padkinuŭ, vyjšaŭ nienadoŭha, a tut jaho padłavili? Ja nie viedaju. Jaho [Tabolina] abłajali… Dyk a čamu jon nie vyklikaŭ DAI? Zakonnuju ŭładu, jakaja b razabrałasia ŭ parušeńni. Moža jon sam spravakavaŭ situacyju, a potym źjechaŭ i prapijaryŭsia ŭ fejsbuku, a kiroŭca navat pra toje nie viedaŭ? Padklučylisia ciapier Matolki roznyja (ja jaho nie viedaju, tolki čuŭ trochi) — źbirajuć bały i łajki», — skazaŭ Izrailevič.
«Ale ja dapamahaju invalidam zhodna z 300-m ukazam. Kali jon sapraŭdny invalid, to ja kłaniajusia. Majučy niejkuju chvarobu, jon padtrymlivaje sacyjalnaje žyćcio, viadzie kancerty — jon ža viadučy? Ja hatovy akazać materyjalnuju padtrymku jamu: na reabilitacyju, apieracyju, nie viedaju, u čym jon moža maje patrebu. Nu kali ŭsio sapraŭdy tak było», — padsumavaŭ jon.
Čytajcie taksama:
Izrailevič: Mahčyma, u Kurapatach lažać tyja, kaho i treba było rasstralać
Izrailevič patuzaŭsia la restarana ŭ Kurapatach z pratestoŭcami: «Tam ludzi stajać za hrošy»
Biznesmien Izrailevič — «Našaj Nivie»: Nie mučciesia, razmaŭlajcie pa-rusku!
Jak biznesmien Izrailevič adreahavaŭ na zatrymańnie Sieviarynca FOTAFAKT
«Novy čas» vyjhraŭ sud u Izraileviča
