Pravy deputat nacyjanalnaha parłamienta i były vajskoviec Žair Bałsanaru lidziruje ŭ druhim tury prezidenckich vybaraŭ Brazilii, nabraŭšy 56% hałasoŭ. Takija dadzienyja pryvodzić brazilskaja vybarčaja kamisija paśla padliku 94% biuleteniaŭ, pieradaje Reuters.
Za jaho supiernika, kandydata ad levaj Partyi pracy Fiernanda Adada prahałasavali 44% vybarcaŭ.
Jak adznačaje ahienctva, Bałsanaru abiacaŭ zmahacca sa złačynnaściu ŭ brazilskich haradach i zajaŭlaŭ, što daść palicyi vialikuju aŭtanomiju ŭ pryniaćci rašeńnia adkryvać ahoń pa pravaparušalnikach. Akramia taho, jon choča, kab hramadzianie Brazilii kuplali zbroju, kab jany zmahli zmahacca sa złačynnaściu.
U pieršym tury vybaraŭ, jakija prajšli 7 kastryčnika, nivodny z kandydataŭ nie zmoh nabrać bolš za 50% vybarščykaŭ, kab jany byli pryznanyja sapraŭdnymi. Tady Bałsanaru atrymaŭ 46,24% hałasoŭ, a Adad - 28,99%.
Bałsanaru raniej słužyŭ desantnikam i artylerystam padčas vajennaj dyktatury ŭ Brazilii, jakaja była ŭstanoŭlena ŭ krainie z 1964 pa 1985 hod. Usiaho jon słužyŭ 17 hadoŭ. Paśla padzieńnia režymu Bałsanaru pajšoŭ u palityku. Za svaju karjeru jon stanaviŭsia deputatam nacyjanalnaha parłamienta siem razoŭ.
Paśla danosu Bondaravaj raptoŭna admianili vystavu ŭ muziei Janki Kupały. Ciapier jana patrabuje na muziei šyldy pa-rusku28
Paśla danosu Bondaravaj raptoŭna admianili vystavu ŭ muziei Janki Kupały. Ciapier jana patrabuje na muziei šyldy pa-rusku
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu55
Kamientary