Uładalnik anhlijskaha futbolnaha kłuba «Lester Sici» Višał Šryvadanaprabcha byŭ na borcie viertalota, jaki raźbiŭsia nieŭzabavie paśla ŭźlotu z pola stadyjona viečaram u subotu, havorycca ŭ paviedamleńni kłuba.
Liam Hopkin
«My paćviardžajem, što Višał Šryvadanaprabcha byŭ siarod tych, chto trahična pazbaviŭsia žyćcia ŭ subotu ŭviečary, kali viertalot ź im i inšymi čatyrma ludźmi na borcie raźbiŭsia kala stadyjona «Kinhs Pauer». Nichto ź piaci čałaviek, jakija znachodzilisia na borcie, nie vyžyŭ», — havorycca ŭ tvitary kłuba.
Trahiedyja adbyłasia pobač sa stadyjonam kamandy ŭ Lestery paśla matču z «Vest Chem Junajted». Paviedamlałasia, što ŭsiaho ŭ viertalocie znachodzilisia piać čałaviek, u tym liku žonka i dačka biznesmena.
Viertalot uźlacieŭ z terytoryi stadyjona praz hadzinu paśla zakančeńnia matča, i, jak paviedamlajuć vidavočcy, rezka pačaŭ hublać chutkaść, paśla čaho ŭpaŭ pobač z aŭtamabilnaj parkoŭkaj i zahareŭsia. Pažarnym spatrebiłasia 20 chvilin, kab patušyć ahoń.