ced.by
Alaksandr Turčyn padkreśliŭ — u budučyni prachodžańnie techahladu adviažuć ad vypłaty darožnaha padatku. Pra heta pieršy namieśnik premjer-ministra zajaviŭ u intervju «Hałoŭnamu efiru» na telekanale «Biełaruś 1».
Biełarusy voś užo čatyry hady vypłačvajuć dziaržpošlinu za vydaču dazvołu na dopusk transpartnaha srodku da ŭdziełu ŭ darožnym ruchu. Jana raźličvajecca zychodziačy z masy aŭtamabila i nie zaležyć ad hoda vypusku abo marki aŭto i vypłačvajecca da prachodžańnia techahladu ŭ poŭnym abjomie. U suviazi z hetym šmatlikija aŭtamabilisty stali ihnaravać techahlad, niahledziačy na štrafy.
U intervju pieršy namieśnik premjer-ministra padkreśliŭ, što suma padatku zastaniecca raniejšaj.
«Pryncyp: jeździš — płaci. Vyjechaŭ na mašynie, u ciabie pavinna być apłata hetaj dziaržpošliny, kali łaska, na miesiac. Minimalny pieryjad — miesiac. Jeździš miesiac, kali łaska, zapłaci za miesiac. Kali ty płaciš adrazu za hod, budzie panižalny kaeficyjent. Kala 80% ad hetaj sumy. My adviažam jaje ad vypłaty techahladu», — zajaviŭ Alaksandr Turčyn.
Nahadajem, pieršy namieśnik premjer-ministra Alaksandr Turčyn ŭznačalvaje mižviedamasnuju rabočuju hrupu pa vypracoŭcy ŭzhodnienaha rašeńnia pa pytańniach vyznačeńnia paradku źbirańnia dziaržpošliny za vydaču dazvołu na dopusk transpartnaha srodku da ŭdziełu ŭ darožnym ruchu, ŭstanaŭleńnia kantrolu za jaje vypłataj. Z paradkam vypłaty darožnaha zboru vyznačacca da 1 lutaha.