Pra heta Alaksandr Łukašenka zajaviŭ siońnia na sustrečy z aktyvam Biełaruskaha respublikanskaha sajuza moładzi z nahody 100-hodździa VŁKSM, piša BiełTA.
Jon kanstatavaŭ, što ŭsie fakty, źviazanyja z asnoŭnymi viechami raźvićcia kamsamolskaha ruchu, nie padlahajuć nijakamu sumnievu, ich nielha pierapisać ci schavać, jany nazaŭždy zastalisia ŭ historyi. «Ale paniaćci siabroŭstva, braterstva, adzinstva, lubovi da Radzimy, viery ŭ budučyniu, jakija stali himnam Usiesajuznaha leninskaha kamunistyčnaha sajuza moładzi, i praz 100 hadoŭ nie stracili svajoj aktualnaści. Tamu, kali raspaŭsia sajuz i novyja dziaržavy pierakreślili słaŭnuju historyju kamsamoła, my padchapili jaho ściah i pieradali svaim dzieciam», — źviarnuŭ uvahu kiraŭnik dziaržavy.
«Vy pavinny viedać i pamiatać, što źjaŭlajeciesia spadkajemcami hierojaŭ, što treba žyć tak, kab nie było soramna pierad ich pamiaćciu. Bierahčy praŭdu pra hieraičnaje minułaje, raspaviadać jaje padrastajučamu pakaleńniu, potym — svaim dzieciam. Zachavać mir i adzinstva, zavieščanyja nam kamsamolcami, praciahnuć ich spravu — žyć i pracavać u imia ščaścia i dabrabytu budučych pakaleńniaŭ», — źviarnuŭsia Łukašenka da maładych ludziej.