Fota Siarhieja Hudzilina
Pradstaŭniki BRSM padčas sustrečy z Alaksandram Łukašenkam rabili šmat prapanoŭ, i adna ź ich tyčyłasia bolš šyrokaj papularyzacyi dziaržaŭnaj simvoliki krainy, piša BiełTA.
U pryvatnaści, udzielnica sustrečy Anastasija Łapko raspaviała pra toje, što padčas uzychodžańnia na samyja vysokija hory Jeŭropy i Afryki, Elbrus i Kilimandžara, jany z mužam z honaram uźniali tam dziaržaŭny ściah Biełarusi, jaki staŭ siamiejnaj relikvijaj. Pradstaŭnik BRSM prapanavała bolš šyroka papularyzavać simvoliku krainy. Na jaje dumku, biełaruski ściah pavinien być u kožnaj siamji, i prapanavała zrabić pry budučym pierapisie nasielnictva taki padarunak u kožny dom.
Anastasija Łapko. Foto: ctv.by.
Kiraŭniku dziaržavy spadabałasia hetaja prapanova: «Heta dobraja ideja, my nie prosta padumajem, a realizujem jaje».
Alaksandr Łukašenka taksama adznačyŭ, što tradycyja šyroka papularyzavać nacyjanalnuju simvoliku jość u mnohich krainach.