Viasnoj 2019 hoda staršyni abłvykankamaŭ dałožać kiraŭniku dziaržavy, jak vykonvajecca jaho daručeńnie ab raźvićci aviečkahadoŭli ŭ krainie. Pra heta Alaksandr Łukašenka zajaviŭ siońnia padčas naviedvańnia unitarnaha vytvorčaha pradpryjemstva «Viciebski futravy kambinat», piša sb.by.
Nie ŭsie biełaruskija rehijony prydatnyja dla vysokaefiektyŭnaha ziemlarobstva i raślinavodstva. Vyroščvańnie aviečak - vydatnaja alternatyva biednaj ziamli. A taksama - ŭłasnaja syravina dla futravaj haliny Biełarusi, padkreśliŭ Alaksandr Łukašenka. Usio heta dazvalaje paźbiehnuć mnostva siońniašnich prablem:
- My pakul fiksujem žudasnuju karupcyju ŭ śfiery vytvorčaści i pierapracoŭki skur.
U tym liku i dla praduchileńnia hetaha ja daručaŭ raniej raspracavać i prapanavać miery pa raźvićci aviečkahadoŭli ŭ našaj krainie. Čas užo razabracca z hetym, ja adčuvaju, što ahraryi ŭ hetym niedapracoŭvajuć. Asabliva ŭ Viciebskaj vobłaści, adznačyŭ kiraŭnik dziaržavy.
Ad 2014 hoda pravodzicca madernizacyja Viciebskaha futravaha kambinata pad vytvorčaść futra i šviejnych vyrabaŭ ź jaho. Na płoščach pradpryjemstva arhanizavana sučasnaja vytvorčaść pa pierapracoŭcy 300 tysiač aŭčyn i 250 tysiač futraŭ pušnoj syraviny ŭ hod.
Kambinat - razam ź jašče adnym pradpryjemstvam vobłaści, VA «Enierhakamplekt» - akazaŭ najbolš stanoŭčy ŭpłyŭ na inviestycyjnuju dziejnaść u rehijonie. Vykarystańnie im inviestycyj pavialičyłasia ŭ faktyčnych cenach da ŭzroŭniu studzienia-vieraśnia 2017 hoda ŭ dva z pałovaj razy. Pry hetym stvorana kala 300 novych pracoŭnych miescaŭ.
«My vielmi hetaha chočam, my nastojvajem» — pres-sakratarka Łukašenki raskazała, ci pojdzie toj na nastupnyja vybary11
Kamientary