Barysahlebskaja carkva ŭ Hrodnie była zbudavana zadoŭha da taho, jak u Maskvie paŭstali pieršyja muravanyja chramy. Fota Belarus.by.
Pradstaŭnik Kanstancinopalskaha patryjarcha pry Suśvietnaj radzie cerkvaŭ archijepiskap Ioŭ (Hieča) u intervju Ukrainskaj redakcyi Bi-Bi-Si nie vyklučyŭ mahčymaści nadańnia aŭtakiefalii Biełaruskaj carkvie — kali paprosiać carkva i dziaržava.
Na pytańnie žurnalista Bi-Bi-Si pra kananičny status terytoryi Biełarusi ŭ śviatle adklikańnia sinadalnaha lista 1686 hoda, archijepiskap Ioŭ adkazaŭ: «Heta dobraje pytańnie. Razumiejecie, čamu va ŭkrainskim pytańni była važnaj kaardynacyja pamiž carkvoj i dziaržavaj? Biez žadańnia dziaržavy mieć aŭtakiefalnuju carkvu va Ukrainie Usialenski patryjarchat nie moh by dziejničać, tamu što 17-je praviła Čaćviortaha Usialenskaha saboru kaža, što carkoŭnaje kiravańnie pavinna trymacca dziaržaŭnaj administracyi.
Na hety momant nie było zvarotu da Usialenskaha patryjarchata ni ad biełaruskaj dziaržavy, ni ad biełaruskaj carkvy, tamu hetaje pytańnie nie razhladajecca. Ale kali jany źviernucca, to, viadoma, jość mahčymaść, što hetaje pytańnie budzie razhladacca hetaksama.
Darečy, što da aktu 1686 hoda, treba nahadać, što Kanstancinopal «nie pračnuŭsia praz 300 hadoŭ», tamu što padobnaje pytańnie stajała ŭ 1924 hodzie, kali Polskaja dziaržava i Pravasłaŭnaja carkva ŭ Polščy źviarnulisia ŭ Kanstancinopal u spravie aŭtakiefalii. U Tomasie ab aŭtakiefalii Polskaj carkvy 1924 hodu była skazana, što ŭsio, što adbyłosia z Kijeŭskaj mitrapolijaj paśla 1686 hoda, nie pryznajecca i było zroblena antykananična».
Apytanka
«My vielmi hetaha chočam, my nastojvajem» — pres-sakratarka Łukašenki raskazała, ci pojdzie toj na nastupnyja vybary3
Kamientary