Fiederalnaja słužba pa vieterynarnym i fitasanitarnym nahladzie RF (Raśsielhasnahlad) ad 3 listapada 2018 hoda admianiaje časovyja abmiežavańni na pastaŭki małočnaj pradukcyi troch biełaruskich pradpryjemstvaŭ. Heta AAT «Miłkavita» i try pradpryjemstvy AAT «Babulina krynka» - filijał «Bychaŭski», filijał «Słaŭharadski» i cech pa vytvorčaści syroŭ h.p. Białyničy.
Va ŭsich vypadkach havorka idzie ab źniaćci abmiežavańniaŭ na pastaŭki masła, syru, tvarahu i tvarožnaj pradukcyi, suchoj małočnaj syrovatki.
Paviedamlajecca, što takoje rašeńnie Raśsielhasnahlad pryniaŭ pa vynikach dvuchbakovych kansultacyj, a taksama z ulikam pradstaŭlenaj infarmacyi i harantyj Departamienta vieterynarnaha i charčovaha nahladu Ministerstva sielskaj haspadarki i charčavańnia Biełarusi.
Adznačajecca, što pradukcyja, jakaja budzie pastaŭlacca ŭ Rasiju, maje być vyrablenaja nie raniej za 3 listapada 2018 hoda, a taksama supravadžacca elektronnym vieterynarnym siertyfikatam.