Bolšaść karennych žycharoŭ vystupaje za niezaležnaść, ale vychadcy ź Jeŭropy i Azii hałasujuć suprać.
![Novaja Kaledonija](http://nashaniva.com/img/w732d4webp1/photos/z_2018_11/lagon_nouvelle_caledonie_ile_des_pins_653x437_3-o9zo7.jpg.webp)
56% žycharoŭ Novaj Kaledonii prahałasavali suprać adździaleńnia ad Francyi.
Raźmieščanaja ŭ Cichim akijanie Novaja Kaledonija była dałučanaja da Francyi ŭ 1853 hodzie. Doŭhi čas tudy adpraŭlali asudžanych złačyncaŭ.
Na astravach zdabyvajuć nikiel. Kab utrymać hetuju svaju kałoniju, štohod Paryž nakiroŭvaje na terytoryju z nasielnictvam 275 tysiač čałaviek 1,5 miljarda dalaraŭ.
Novaja Kaledonija źjaŭlajecca administracyjnaj terytoryjaj Francyi z asablivym statusam. Ułada tam pradstaŭlena viarchoŭnym kamisaram, jaki pryznačajecca francuzskim prezidentam. Žychary Novaj Kaledonii taksama abirajuć pa dva deputaty ŭ vierchniuju i nižniuju pałaty francuzskaha parłamienta.
Pavodle damoŭlenaściej, ciaham čatyroch hadoŭ mohuć prajści jašče dva refierendumy z tym ža pytańniem. Taki płan byŭ pryniaty 30 hadoŭ, paśla taho jak karennaje nasielnictva, kanaki, uzialisia za zbroju. Pieradvybarnaja ahitacyja na astravach prachodziła mirna i niehvałtoŭna.
Kamientary