Novaja akcyja ad časopisa Arche prymierkavanaja da hadaviny masavych rasstrełaŭ, kali ŭ noč z 29 na 30 kastryčnika 1937 hodu čekistyja zabili bolš za 100 pradstaŭnikoŭ biełaruskaje intelihiencyi (navukoŭcaŭ, piśmieńnikaŭ, vykładnikaŭ VNU).
Vašaj uvazie prapanujecca korpus tekstaŭ na 11 tysiačaŭ staronak (7 papiarovych i 4 elektronnyja vydańni). Dziaržaŭnyja vydaviectvy z cenzurnych pryčynaŭ nie bralisia publikavać hetyja važnyja pracy navat u postsavieckaj Biełarusi.
Dvoch aŭtaraŭ vystaŭlenych nižej knih (Adama Stankieviča j Adama Babareku) fizyčna źniščyli ŭ čas stalinskaha teroru ŭ 1930-ja. Historyku litaratury Antonu Adamoviču, kab uratavacca j paźbiehnuć represijaŭ, daviałosia pakinuć Radzimu. Canoj vyžyvańnia było toje, što jon ad 1943 hodu j da svaje śmierci ŭ 1998 hodzie ŭžo nikoli nie pabačyŭ Biełarusi.
U ramkach akcyi prapanujecca pieršy tom zboru tvoraŭ najlepšaha biełaruskaha historyka XX st. Mikałaja Ułaščyka (jakoha savieckija ŭłady aryštoŭvali 4 razy dy jaki pravioŭ za kratami amal 15 hadoŭ svajho žyćcia), publicystyka vybitnaha biełaruskaha nacyjanalistaha XX st. Jana Stankieviča, a taksama hruntoŭny (amal na 1 tys. staronak) zbornik dakumentaŭ ab dziejnaści Biełaruskaha narodnaha frontu.
U ramkach akcyi možna taksama nabyć čatyry važnyja knihi ŭ elektronnym vyhladzie ahulnym abjomam 4 tysiačy staronak.
Heta linhvistyčnyja pracy Jana Stankieviča «Jazyk i jazykavieda» (1300 staronak), publicystyka ajca-zasnavalnika Biełaruskaj Narodnaj Respubliki Antona Łuckieviča «Baraćba za vyzvaleńnie» (700 staronak), a taksama histaryčnyja pracy najlepšaha biełaruskaha historyka z Polščy Juryja Turonka «Madernaja historyja Biełarusi» (kala 1000 staronak) i tom Biełaruskaja histaryjahrafija 1920-ch: Siaredniaviečča i rańniemaderny čas (1100 staronak).
U apošniaj publikacyi prezentavanyja 35 prac jak starejšych na toj čas navukoŭcaŭ (Uładzimier Pičeta, Mitrafan Doŭnar-Zapolski, Anton Jasinski, Źmicier Daŭhiała, Maćviej Lubaŭski, Alaksandar Savič dy inš.), tak i pradstaŭnikoŭ novaje hieneracyi (Vital Volski, Aksińnia Taŭstales, Andrej Burdziejka, Ciarenci Ściapanaŭ, Todar Zabieła dy inš.)
Ładnaja častka pieraličanych historykaŭ była rasstralanaja abo zamučanaja ŭ stalinskich lahierach (Vasil Družčyc, Todar Zabieła, Andrej Burdziejka). Tolki cud vyratavaŭ žyćcio jašče adnu adnamu viaźniu «HUŁAHu» Uładzimieru Pičetu.
Značnaść knih, vystaŭlenych na rasprodaž, maje 2 aspekty. Z adnaho boku, ź źmieščanych daśledavańniaŭ pačałasia j peŭny čas raźvivałasia akademičnaja navuka ab biełaruskaj litaratury, historyi dy palitycy. U ich vy znojdziecie pieršyja hruntoŭnyja narysy pra vialikaha kniazia Vitaŭta, Kastusia Kalinoŭskaha, pra historyju chryścijanstva na biełaruskich ziemlach. Publikujucca taksama pieršyja sproby adaptacyi biblijnych tekstaŭ na biełaruskaj movie.
Z druhoha boku nazvanyja aŭtary byli nia tolki prafesijnymi navukoŭcami — jany byli jašče haračymi biełaruskimi patryjotami. Tamu druhoje pryznačeńnie apublikavanych tvoraŭ — nia tolki šyryć viedy pra Biełaruś, ale j pryščaplać luboŭ da krainy!
Rasprodaž dziejničaje da 11 listapada!
Pra toje, jak atrymać hetyja dy inšyja vydańni možna daviedacca na sajcie Arche.
KDB aktyŭna viarbuje palitviaźniaŭ, vyzvalenych pa pamiłavańni — pravaabaroncy8
Kamientary