Błohier Ściapan Puciła (kanał Nexta) raskazaŭ karespandentu «Jeŭraradyjo», jak budzie pracavać dalej.
Nahadajem, paśla skarhaŭ Biełteleradyjokampanii na vykarystańnie aŭtarskaha kantentu biez dazvołu z kanała Nexta źnikli amal usie videa.
Kab paźbiehnuć dalejšych prablem i mahčymaha błakavańnia, błohier źbirajecca źmianić farmat padačy materyjałaŭ ź dziaržaŭnych krynic:
«Dalej ja prosta nie budu vykarystoŭvać ich łahatyp u videa, kab niemahčyma było dakładna zrazumieć, ź jakoj krynicy ŭziataje videa. Asabliva z udziełam prezidenta tak zvanaha. I ahułam, infu možna brać i z aficyjnaha sajta kiraŭnika, ale tam šmat čaho cikavaha niama z taho, što traplaje ŭ naviny».
Ale vykarystoŭvać videa ź dziaržaŭnych kanałaŭ błohieru ŭsio adno daviadziecca. Jak kaža jon sam, inšych krynic dosyć časta prosta niama: «Možna budzie ci to padrezać videa, ci to niejkim čynam rabić tak, kab nie traplaŭ łahatyp».
«Ciapier, viadoma ž, hetyja skarhi ja budu abskardžvać, bo publičnyja spravy, niejkaje hramadskaje žyćcio — heta ŭsio nie moža być aŭtarskim pravam kankretnaj kampanii. Da hetaj infarmacyi musiać mieć dostup usie hramadzianie, — miarkuje Ściapan Puciła. —
Kali ž Youtube-kanał usio ž zabłakujuć, to Nexta «pierajedzie» u Telegram.
Mahčyma, budzie stvorany i inšy kanał ci kanał na inšaj placoŭcy. Ale tut užo budzie prablema — častku aŭdytoryi stałaha ŭzrostu budzie ciažka pieravieści na novuju placoŭku i navučyć, jak joj karystacca».
