Supracoŭniki DAI ŭnačy spynili ŭ Biełaaziersku BMW pad kiravańniem 34-hadovaha miascovaha žychara. Mužčyna pakazaŭ pravaachoŭnikam paśviedčańnie kiroŭcy.
fota sudexpert.gov.by
Pry praviercy pa bazie vyjaviłasia, što mužčyna z 2016 hoda pazbaŭleny na try hady pravoŭ na kiravańnie. Akramia taho, na paśviedčańni, jakoje pakazaŭ kiroŭca, i ŭ bazie znachodziacca roznyja fatahrafii. Daviałosia pryznačyć ekśpiertyzu dakumientaŭ.
Dziaržaŭny kamitet sudovych ekśpiertyz vyjaviŭ, što błank paśviedčańnia kiroŭcy vyrableny nie pradpryjemstvam, jakija ažyćciaŭlajuć vytvorčaść pradukcyi dadzienaha vyhladu. Usie vyjavy piaredniaha i advarotnaha bakoŭ nadrukavanyja na strujnym pryntary, a ultrafijaletavaja abarona paśviedčańnia kiroŭcy imitavanaja.
Raspačata kryminalnaja sprava za vyrab padroblenych dakumientaŭ.
