Prezidyum Savieta ministraŭ razhledzieŭ Prajekty kompleksnaj prahramy raźvićcia Aršanskaha rajona na pieryjad da 2023 hoda i ŭkaza «Ab dadatkovych mierach pa stvareńniu ŭmoŭ dla paskoranaha raźvićcia Aršanskaha rajona Viciebskaj vobłaści».
Pavodle słovaŭ premjer-ministra Siarhieja Rumasa, kompleks mier, jaki ŭklučaje bolš za piaćsot mierapryjemstvaŭ, maje patrebu ŭ istotnaj dapracoŭcy.
«Jaho treba strukturavać pa orhanach dziaržaŭnaha kiravańnia, metach, zadačach, vyznačyć adzinuju sistemu indykataraŭ i paramietraŭ dasiahnieńnia metaŭ u zaležnaści ad vidaŭ dziejnaści. Taksama nieabchodna raźviarnuć mierapryjemstvy ŭ halinovych i rehijanalnych płanach, ich kankretyzavać, kab zabiaśpiečyć patrebny vynik», - padkreśliŭ Siarhiej Rumas.
Jon daručyŭ dapracavać u samyja karotkija terminy prajekty i ŭnieści ich u Administracyju prezidenta da 16 listapada.