Raniej anałahičnyja zboi byli zafiksavanyja narviežskimi vajskoŭcami. Ułady Finlandyi miarkujuć, što za hetym moža stajać Rasija. «Heta pasłańnie ŭsim krainam, jakija ŭdzielničajuć u vajennych vučeńniach», — miarkuje Jucha Sipila.
Premjer-ministr Finlandyi Jucha Sipila ličyć, što za zbojem u pracy mižnarodnaj sistemy navihacyi GPS, jaki adbyŭsia padčas vučeńniaŭ NATO Trident Juncture, moža stajać Rasija. Pra heta Sipila zajaviŭ u intervju Yle.
«U techničnym płanie adnosna lohka parušyć radyjosihnał, i całkam mahčyma, što Rasija staić za hetym», — skazaŭ Sipila, dadaŭšy, što ŭ Rasii jość srodki dla hetaha. «Heta pasłańnie ŭsim krainam, jakija ŭdzielničajuć u vajennych vučeńniach», — rastłumačyŭ jon.
Zboj u pracy GPS ŭ zapalarnych rajonach Finlandyi finskija vajskoŭcy zafiksavali na hetym tydni. «My atrymali infarmacyju z roznych krynic ab tym, što sihnał GPS moža być nienadziejnym u Paŭnočnaj i ŭ Paŭnočna-Uschodniaj Finlandyi», - kazaŭ apieracyjny dyrektar aeranavihacyjnaha słužby krainy Chejki Isaman.
Anałahičnyja zboi da hetaha fiksavali narviežskija kalehi. Tyja taksama źviazvali ich z uzrosłaj aktyŭnaściu Rasii ŭ rehijonie na fonie vučeńniaŭ NATO Trident Juncture.
Kamientary