Prezident Litoŭskaj Respubliki Dala Hrybaŭskajcie ad svajho imia i ad imia litoŭskaha naroda ščyra pavinšavała prezidenta Andžeja Dudu i ŭsich žycharoŭ krainy sa 100-hadovaj hadavinaj niezaležnaści Polščy, što adznačałasia ŭčora.
Z nahody hetaj padziei Dala Hrybaŭskajcie pieradała svajo vinšavańnie na polskaj movie i pažadała ŭsim cudoŭnaha śviata. Na płoščy Simonasa Daŭkantasa z nahody jubileju byli ŭźniaty dziaržaŭnyja i histaryčnyja ściahi Litvy i Polščy, a na bałkonie Prezidenckaha pałaca zapalili znak PL 100.
Pavodle słoŭ prezidenta, Litvu i Polšču źviazvaje šmatviekavaja ahulnaja historyja i baraćba za svabodu. «Našy narody, jakija byli vymušanyja vieści składanuju baraćbu za svaju svabodu i mahčymaść raźvićcia niezaležnaj dziaržavy, siońnia pa-raniejšamu zastajucca sajuźnikami i partniorami. Litva i Polšča — blizkija susiedzi, my vydatna razumiejem sučasnyja vykliki i imkniemsia da harantavańnia biaśpieki ŭ rehijonie, umacavańnia i śćviardžeńnia niezaležnaści i svabody našych krain», — havorycca ŭ vinšavańni.
Kamientary