U Pieru aŭtobus junackaj futbolnaj kamandy zvaliŭsia ŭ prorvu. U vyniku zahinuli siem čałaviek, paviedamlaje hazieta Peru21.
Junackaja kamanda nakiroŭvałasia ŭ horad Čačapojas dla ŭdziełu ŭ matčy. Pa dadzienych vydańnia, zahinuli šeść padletkaŭ va ŭzroście 13—14 hadoŭ i kiroŭca aŭtobusa.
Pa dadzienych CanalN, zahinuli siem padletkaŭ. Telekanał taksama paviedamlaje, što ŭ aŭtobusie znachodzilisia 35 čałaviek, paciarpieli 12 čałaviek, bolšaść ź ich niepaŭnaletnija. CanalN adznačaje, što incydent adbyŭsia na darozie z Radryhies de Miendosa ŭ Čačapojas, jakaja znachodzicca ŭ krytyčnym stanie i nie absłuhoŭvajecca. Dvoje paciarpiełych atrymali surjoznyja traŭmy, ich płanujuć dastavić u stalicu Pieru.

Kamientary