U Čykaha lift z pasažyrami sarvaŭsia z 95-ha paviercha. Ale svoječasova spyniŭsia na 11-m
Lift z šaściu pasažyrami sarvaŭsia z 95-ha paviercha Chenkok-centra ŭ amierykanskim Čykaha. Pra heta paviedamlaje CBS Chicago.
Incydent adbyŭsia jašče 16 listapada. Paśla taho jak adzin z trosaŭ abarvaŭsia, lift pačaŭ spuskacca na vialikaj chutkaści i spyniŭsia tolki ŭ rajonie 11 paviercha. Dadatkovyja trosy vytrymali jaho vahu, tamu ŭ vyniku nichto nie paciarpieŭ. U liku pasažyraŭ była ciažarnaja žančyna.
Da prybyćcia ekstranych słužbaŭ ludzi, jakija znachodzilisia ŭ lifcie, nie viedali, na jakim paviersie jany zatrymalisia. Praź niaprostuju kanstrukcyju šacht budynka ratavalniki doŭha nie mahli dabracca da kabiny: im pryjšłosia łamać bietonnuju ścianu z dapamohaj mołata. U vyniku apieracyja doŭžyłasia bolš za try hadziny.
«Spačatku ja dumaŭ, što my zahiniem», — zajaviŭ CBS Chicago adzin z pasažyraŭ, mieksikanski turyst Chajmie Montemajor. Pavodle jaho słoŭ, lift staŭ ruchacca značna chutčej, što adčuvałasia jak padzieńnie, a zatym jon pačuŭ niejki huk. Jaho žonka raspaviała, što pry hetym kabina napoŭniłasia pyłam.
«My vielmi hetaha chočam, my nastojvajem» — pres-sakratarka Łukašenki raskazała, ci pojdzie toj na nastupnyja vybary4
Kamientary