Supracoŭniki adździeła kryminalnaha vyšuku Frunzienskaha RUUS Minska zatrymali 33-hadovaha hramadzianina Hiermanii, jaki padazrajecca ŭ ździajśnieńni machlarstvaŭ u dačynieńni da žycharoŭ stalicy i Minskaj vobłaści.
Jon znachodzicca ŭ rehijanalnym vyšuku na terytoryi FRH, paviedamiła BiełTA aficyjny pradstaŭnik Frunzienskaha RUUS Natalla Askirka.
Mužčyna pryjechaŭ u Biełaruś u listapadzie 2017 hoda. U Minsku jon adkryŭ firmu, jakaja akazvaje pasłuhi pa vyrabie chat i łaźniaŭ z draŭlanaha brusa. «Braŭ pieradapłatu i svaje abaviazalnictvy nie vykonvaŭ. U milicyju źviarnulisia 15 paciarpiełych - žycharoŭ Minska i Minskaj vobłaści. Papiarednie suma naniesienaj škody skłała bolš jak 40 tysiač dalaraŭ», - raspaviała Natalla Askirka.
Apieratyŭniki vyśvietlili, što zatrymany inšaziemiec taksama ŭvachodziŭ u davier da raźviedzienych adzinokich žycharak stalicy. Znajomiŭsia ŭ cyrulniach, restaranach, handlovych centrach. Žančynam jon abiacaŭ sumiesnuju ščaślivuju budučyniu i prasiŭ pazyčyć hrošaj na biznes. U adnoj ź minčanak jon uziaŭ 6 tysiač dalaraŭ, jakija dahetul nie viarnuŭ. Inšuju paprasiŭ aformić na svajo imia televizar u rasterminoŭku — nibyta dla ofisa firmy. Ale, jak vyśvietliłasia paźniej, televizar jon padaryŭ inšaj pryjacielcy.
U dačynieńni da zatrymanaha raspačali kryminalnuju spravu za machlarstva. Na terytoryi FRH mužčyna padazrajecca ŭ ździajśnieńni anałahičnych złačynstvaŭ. Pravaachoŭniki prosiać paciarpiełych ad dziejańniaŭ zatrymanaha paviedamić pra heta ŭ Frunzienskaje RUUS asabista (Minsk, vuł.Kalvaryjskaja, 41) abo pa telefonach: 8 (029) 653-17-63, 8 (017) 213-08-25, 8 (017) 207-67-67 abo 102. Kanfidencyjnaść harantujecca.
«My vielmi hetaha chočam, my nastojvajem» — pres-sakratarka Łukašenki raskazała, ci pojdzie toj na nastupnyja vybary11
Kamientary