«Kali naš Dzied Maroz na bałkonie chavaŭsia, kab źjavicca adtul u patrebny momant, to ź biełaruskaj movaj prablem dakładna nie budzie»
Da Novaha hoda zastajecca ŭsio mienš času, a da navahodnich karparatyvaŭ i ranišnikaŭ jašče mienš. Samy čas pakłapacicca pra toje, kab ščaścia ŭ Novym hodzie pažadali sapraŭdnyja Dzied Maroz i Śniahurka. My vyśvietlili, kolki moža kaštavać zaprašeńnie čaraŭnika ź jaho pamočnicaj.
Darosłych nie vinšujem, bo pjanyja kryki «Tahił» užo zadziaŭbli
Šmatlikija ahienctvy prapanujuć vinšavańni tolki na dziciačych śviatach.
«Nie kaštuje heta tych hrošaj, kali za našym Dziedam Marozam biehali pjanyja mužyki z krykami «Tahił», — paskardzilisia nam u adnym sa staličnych ahienctvaŭ.
Dzieda Maroza i Śniahurku možna zamović užo ciapier, da kanca listapada amal usie ahienctvy prapanujuć źnižku.
Samaje biudžetnaje vinšavańnie na 10 chvilin za tydzień da Novaha hoda vam abydziecca ad 25 da 50 rubloŭ.
Za hetyja hrošy Dzied Maroz i Śniahuračka pavodziać karahod, pasłuchajuć vieršy, uručać padarunak i sfatahrafujucca la vašaj jalinki.
Ceńnik bližej da Novaha Hoda budzie raści.
Treba viedać, što nie ŭsie Dziedy Marozy hatovyja pracavać u Navahodniuju noč.
Ale ŭ tych niešmatlikich ahienctvach, jakija pracujuć u navahodniuju noč, ceńnik uźlataje da 85-200 rubloŭ za vinšavańnie.
Śniahurka ŭ bikini pryjedzie naŭrad ci, a voś Dzied Maroz u akno — lohka
Adpraŭlać na śviata Śniahurku ŭ bikini dla vinšavańnia darosłych, u ahienctvach, jak praviła, admaŭlajucca.
«Dy i nie karystajecca heta popytam! Usie vierać u kazku i chočuć kłasičnaha Dzieda Maroza i pryhožuju Śniahurku», — adkazali nam.
Ciapier u modzie inšaja navinka: šmat chto prosić, kab Dzied Maroz pahrukaŭsia ŭ akno.
Prafiesijny alpinist spuścicca da vas u akno ź nieba. Hałoŭnaje, kab dzieci pavieryli ŭ kazku, a darosłyja nie stracili prytomnaść.
Abydziecca vinšavańnie Dzieda Maroza — alpinista ŭ 150-250 rubloŭ, u zaležnaści ad daty i praciahłaści prahramy.
Dzied Maroz skončyŭ BDUKiM — čamu b nie pavinšavać pa-biełarusku
«Darečy, my abmiarkoŭvali z našym kiraŭnictvam i našymi akciorami, ci budziem vinšavać pa-biełarusku», — pryznalisia ŭ adnym z ahienctvaŭ.
I vyrašyli: vinšavać.
«Naš Dzied Maroz «kulok» zakančvaŭ. Moža i pa-biełarusku, — skazali ŭ druhim ahienctvie. — Kali ŭžo pa prośbie baćkoŭ naš Dzied Maroz na bałkonie chavaŭsia, kab źjavicca adtul u patrebny momant, to ź biełaruskaj movaj prablem dakładna nie budzie».
Sa svińnioj na śviata — lohka
Amal usie ahienctvy pracujuć nie tolki ŭ Minsku, ale hatovyja pryjazdžać i ŭ vioski. Adzinaja ŭmova, kab vioska znachodziłasia nie dalej za 30 kiłamietraŭ ad MKAD.
Z dadatkovych «fišak». Vas mohuć pavinšavać nie tolki Dzied Maroz i Śniahurka, ale i simvał nadychodziačaha hoda. Sioleta heta śvińnia.
«Vinšavańni ź simvałami zamaŭlajuć u nas na karparatyvy. Pryvozili i śvińniu, i źmiaju, i trusika. Na dom hetuju pasłuhu nie zamaŭlajuć. Tym bolš na dziciačyja śviaty. Dzieciam usio adno, jak simvał Novaha hoda. Jany chočuć vadzić karahody, dureć, puskać mylnyja burbałki i mnoha-mnoha cukierak i padarunkaŭ», — padsumavała administratar adnaho z ahienctvaŭ.
Na parłamienckich vybarach u Francyi pieramahajuć ultrapravyja z Maryn Lo Pen. Partyja Makrona treciaja3
Kamientary