Biełaruś spadziajecca naładzić ź inšymi krainami abmien orhanami dla transpłantacyi
«Mahčyma, my prymiem rašeńnie ab supracoŭnictvie i abmienie orhanami z zachodnimi i ŭschodnimi krainami», — raskazaŭ dyrektar Minskaha navukova-praktyčnaha centra chirurhii, transpłantałohii i hiematałohii Aleh Rumo.
Jon padkreśliŭ, što havorka idzie mienavita pra abmien orhanami.
«My nie budziem pastaŭlać orhany, nie atrymlivajučy ničoha ŭzamien. Tolki tady, kali i nam buduć dapamahać», — kaža Rumo.
Jon adznačyŭ, što ŭ Jeŭropie isnujuć cełyja struktury, jakija zajmajucca orhanami dla pierasadki, tamu zabiaśpiečyć transparciroŭku orhana z Čechii ŭ Biełaruś ci ź Biełarusi ŭ Polšču — całkam narmalnaja historyja.
«My žyviem u takich realijach, što možam vykarystoŭvać sučasnyja rastvory i abstalavańnie, jakija dazvalajuć padoŭžyć termin kansiervacyi orhanaŭ. My zdolnyja, umoŭna kažučy, uziać piečań, naprykład, u ZŠA i transpłantavać jaje ŭ Biełarusi. Tearetyčna heta mahčyma. Praktyčna, napeŭna, u hetym niama vialikaha sensu: supracoŭničać treba nie z tymi, chto znachodzicca za dziesiatki tysiač kiłamietraŭ, a ź bližejšymi susiedziami», — miarkuje Rumo.
Pa jaho słovach, krainy Jeŭrasajuza zacikaŭlenyja ŭ Biełarusi i majuć vielmi dobry ŭzrovień raźvićcia transpłantałohii, supastaŭny z našym. A voś Rasija i Kazachstan adstajuć.
Apytanka
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym1
Kamientary