Prezident Piatro Parašenka prapanuje Viarchoŭnaj Radzie razhledzieć na pazačarhovym pasiadžeńni ŭ paniadziełak rašeńnie ab uviadzieńni vajennaha stanovišča va Ukrainie.
Pra heta jon zajaviŭ padčas pasiadžeńnia Rady nacyjanalnaj biaśpieki i abarony (RNBA) u noč na paniadziełak.
«Ja jak prezident, jak viarchoŭny hałoŭnakamandujučy Uzbrojenych Sił u adpaviednaści z Kanstytucyjaj prymaju rašeńnie padtrymać prapanovu vajennaha kamiteta vynieści na pasiadžeńnie RNBA adpaviednaje rašeńnie i źviarnucca ź im u Viarchoŭnuju Radu Ukrainy», — skazaŭ Parašenka.
«Źviartajusia da Viarchoŭnaj Rady z prośbaj sabracca na pazačarhovaje pasiadžeńnie. Paviercie, siońnia jość usie padstavy tak reahavać. Spadziajusia, zaŭtra Viarchoŭnaja Rada prymie, nie adkładajučy, adkaznaje rašeńnie. Zaŭtra bolšaść čakaju ŭ VR na pryniaćci rašeńnia», - padkreśliŭ jon.
Prapanavana ŭvieści vajenny stan na 60 dzion. «Vajenny stan nie značyć abviaščeńnie vajny», — padkreśliŭ Parašenka.
Kamientary