Minbudarchitektury: Zarobki budaŭnikoŭ u Biełarusi z 1 studzienia vyrastuć na 30—35%
Zarobki budaŭnikoŭ u Biełarusi z 1 studzienia vyrastuć na 30-35%, paviedamiŭ u prahramie «Hałoŭny efir» na «Biełaruś 1» ministr architektury i budaŭnictva Dźmitryj Mikulonak. Jaho viedamstva jak raz ciapier rychtuje adpaviedny narmatyŭny dakumient, paviedamlaje Tut.by.
Pa słovach ministra, siaredni zarobak u budaŭničaj halinie ŭ Minsku — bolš za 1 tysiaču rubloŭ, u rehijonach — 800—900: «Hetaha niedastatkova. My ŭvodzim narmatyŭny dakumient, kab z 1 studzienia pajšoŭ raźlik u novych ličbach — plus 30—35% ».
Pry hetym čynoŭniki chočuć zraŭnać umovy dla rabočych u stalicy i rehijonach: «Z 1 śniežnia nie budzie roźnicy ŭ indeksach. My jaje likvidujem», — abiacaje Mikulonak.
Pa słovach ministra, u krainie sapraŭdy nie chapaje kadraŭ u budaŭničaj halinie — i rost zarobkaŭ pavinien dapamahčy vyrašyć prablemu.
Kamientary