Kiraŭnik dziaržavy patrabuje ad ekanamičnaha błoka krainy vyraznaha bačańnia punktaŭ rostu nacyjanalnaj ekanomiki.
Ab hetym Łukašenka zajaviŭ siońnia, zasłuchoŭvajučy dakład urada, Nacbanka, abłvykankamaŭ i Minharvykankama ab acency vynikaŭ 2018 h. i prajektach prahnozaŭ na 2019 h., paviedamlaje BiełTA.
«Projdzieny ekvatar biahučaj piacihodki. Z adnaho boku, ekanomika raście praktyčna pa ŭsich halinach. Jość adnosnaja cenavaja stabilnaść, pavialičvajucca dachody nasielnictva, pa miery mahčymaściaŭ padtrymlivajucca piensijaniery, składvajecca praficyt u źniešnim handli, što kamuści zdavałasia niemahčymym dziesiać hadoŭ tamu», — kanstatavaŭ Łukašenka.
Adnak ni ŭ koha nie pavinna ŭźnikać iluzii pośpiechu, padkreśliŭ kiraŭnik dziaržavy. Bo dobryja pakazčyki demanstrujuć mnohija krainy rehijonu. «A značyć, my tolki svoječasova karystajemsia mahčymaściami čarhovaj chvali cykličnaha, kanjunkturnaha rostu. Ale jon nie biaskoncy, — adznačyŭ jon. — Ščyra kažučy, vielmi naściarožvaje toje, što asnoŭnyja trendy našaj ekanomiki pajšli ŭniz i Biełaruś znoŭ uvachodzić u zonu raźvićcia z tempami, nižejšymi za siaredniesuśvietnyja. Adstavać — nieprymalna».
Alaksandr Łukašenka źviarnuŭ uvahu, što ni ekanamičnyja, ni sacyjalnyja zadačy nie vyrašyć biez ŭpeŭnienaha i ŭ dobrym sensie ahresiŭnaha rostu. «Ale razhladać prahnoznyja dakumienty treba jašče bolš vyrazna. Naš dabrabyt zaležyć u tym liku i ad zdolnaści ekanomiki adkazvać na hłabalnyja vykliki, jakich siońnia niamała», - skazaŭ kiraŭnik dziaržavy. Pavodle jaho słoŭ, sankcyjnyja režymy, hieapalityčnaja niestabilnaść, handlovyja vojny — heta ŭžo novaja «narmalnaść».
Kamientary