Siońnia na naradzie Łukašenka pacikaviŭsia ŭ kiraŭnictva Nacyjanalnaha banka, jakija płanujecca prymać miery dla stymulavańnia ekanamičnaha rostu ŭ 2019 hodzie, piša BiełTA.
«Paprašu biez ahulnych i abciakalnych fraz, jakimi prasiaknuty bankaŭskija dakumienty. Čym budziecie nivielavać źniešnija ryzyki i jak padtrymlivać nizkuju inflacyju? — spytaŭ jon. — Asobna spyniciesia na tym, jakija bačycie šlachi źmieny struktury zołatavalutnych reziervaŭ i pavieličeńnia doli niedaŭhavych srodkaŭ».
Jon padkreśliŭ, što jaho ździŭlaje atrymanaja ŭ spadčynu ad papiaredniaha składu ŭrada biespryncypovaść u vykanańni daručeńniaŭ kiraŭnika dziaržavy. «Nie prajšło i hoda z momantu maich zaŭvah vašym papiarednikam, jak pa vynikach dzieviaci miesiacaŭ pracy ad novaha premjer-ministra atrymlivaju list anałahičnaha źmiestu z prośbaj źniać z kantrolu ŭsio i ŭsia, amal paŭsotni daručeńniaŭ jak vykananyja, choć da ich vykanańnia daloka», — rastłumačyŭ Łukašenka.
Pavodle jaho słoŭ, u toj ža čas tolki Administracyja prezidenta, Kamitet dziaržaŭnaha kantrolu i Dziaržsakrataryjat Rady Biaśpieki pradstavili šmatlikija zaŭvahi. «Ja prosta Siarhieju Mikałajeviču (premjer-ministr Siarhiej Rumas) raju ŭnikać u toje, što jon časam padpisvaje z padačy svaich padnačalenych, bo pytańnie kantrolu za vykanańniem ułasnych daručeńniaŭ u mianie naładžana dastatkova dobra», - źviarnuŭ uvahu kiraŭnik krainy.
Kamientary