Prezident Abjadnanych Arabskich Emirataŭ Chalifa ibn Zajd al-Nachajan pamiłavaŭ 31-hadovaha brytanskaha navukoŭca Mećju Chiedžesa, asudžanaha na minułym tydni da pažyćciovaha źniavoleńnia za špijanaž. Pra heta paviedamlaje hazieta The Telegraph.
Pavodle infarmacyi haziety, vyzvaleńnie navukoŭca adbyłosia dziakujučy ŭmiašańniu ministra zamiežnych spravaŭ Vialikabrytanii Džeremi Chanta. Pry hetym u AAE zajavili, što pamiłavali Chiedžesa paśla čytańnia lista ad jaho siamji i ŭličvajučy «histaryčnyja adnosiny» pamiž dźviuma krainami.
Chiedžes źjaŭlajecca supracoŭnikam Daremskaha ŭniviersiteta, jon prybyŭ u AAE dla zboru infarmacyi dla svajoj doktarskaj dysiertacyi, pryśviečanaj nastupstvam «arabskaj viasny».
U mai jaho zatrymali ŭ aeraporcie Dubaja, u kastryčniku mužčynu abvinavacili ŭ špijanažy i pracy na słužbu zamiežnapalityčnaj raźviedki Vialikabrytanii MI6. Na sudzie abvinavačvańnie prademanstravała videazapis, na jakim Chiedžes pryznaŭsia, što sprabavaŭ atrymać dostup da sakretnych dadzienych, u tym liku ab zakupkach ŭzbrajeńnia AAE.
Zavadčanin Ihar, jaki viartaŭsia dadomu buchim, upieršyniu ŭ žyćci jedzie za miažu. A jašče jon chałasty7
Kamientary