Heta tolki takija samaŭpeŭnienyja ludzi jak kamunisty ci marksisty dumajuć, što ŭsio razumiejuć i viedajuć zakony śvietu i historyi i mohuć pradkazvać. My pradkazvać nia možam.
8 śniežnia kulturnaja fundacyja eks‑prezydenta Čechii Vacłava Haŭła pravodzić u Prazie Biełaruski dzień.
Apoŭdni Havał vitaŭ u siabie doma zasnavalnikaŭ «Svabodnaha teatru» i braŭ udzieł u zdymkach dla novaha dakumentalnaha prajektu hetaha teatru.
Mikałaj Chalezin planuje sabrać u adzin dakument razvahi intelektuałaŭ, tvorcaŭ i palitykaŭ pra toje, jak Eŭropa ŭpieršyniu stanie kantynentam, svabodnym ad dyktatury. Pavodle jaho daroha da hetaha viadzie praź Biełaruś. Prajekt adšturchoŭvajecca ad viadomaha akreśleńnia statusu biełaruskaha kiraŭnika i maje symbaličnuju nazvu «Apošni». Voś jakoj razvahaj padzialiŭsia siońnia Vacłaŭ Havał:
«Kali havaryć pra Biełaruś, pra toje, kali jana stanie sapraŭdnaj demakratyčnaj dziaržavaj, jakaja budzie dałučana da zachodniaj cyvilizacyjnaj prastory, vyhladaje, što heta daroha budzie jašče doŭhaj. Ale nie abaviazkova. My viedajem prykłady ź niadaŭniaj historyi, kali sytuacyja źmianiajecca niečakana chutka i raptoŭna. Heta składanaje splacieńnie ŭpłyvaŭ, jakija da hetaha spryčyniajucca i jakija čałaviek ciažka moža pradbačyć. Heta tolki takija samaŭpeŭnienyja ludzi jak kamunisty ci marksisty dumajuć, što ŭsio razumiejuć i viedajuć zakony śvietu i historyi i mohuć pradkazvać. My pradkazvać nia možam. Tak što i niečakanaści mahčymyja.»
Skazaŭ Vacłaŭ Haveł siońnia padčas zdymak.
Kamientary