Uładzimir Arłoŭ vykazaŭsia ŭ padtrymku žurnalistaŭ pa «spravie BiełTA» VIDEA
Viadomy biełaruski piśmieńnik Uładzimir Arłoŭ vykazaŭsia ŭ padtrymku niezaležnych žurnalistaŭ, abvinavačanych pa kryminalnaj spravie ab nibyta niezakonnym dostupie da infarmacyi, paviedamlaje baj.by.
— «Sprava BiełTA» mnie, jak litarataru, niepaźbiežna pryvodzić na pamiać raman Franca Kafki «Praces». Svojeasablivym praciaham hetaj anałohii stała niadaŭniaje radasnaje paviedamleńnie BiełTA pra dzień biaskoncaści «8888» u vaładarańni lubimaha prezidenta. Znoŭ źviartajučysia da litaraturnych anałohij, zhadvajecca taksama raman Džordža Orueła «1984» ź jahonym ministerstvam praŭdy.
My majem pierad saboj brutalnuju sprobu dziaržavy zmahacca z tymi, chto supraćstaić padabienstvu hetaha ministerstva praŭdy ŭ vyhladzie dziaržaŭnych srodkaŭ masavaj infarmacyi. Jakija daŭno ŭžo pieratvarylisia ŭ srodki masavaj prapahandy.
Ale za voknami ŭsio ž nie 1984-ty, a 2018-ty, — kaža ŭ svaim zvarocie Uładzimir Arłoŭ.
Raniej u padtrymku niezaležnych žurnalistaŭ, jakim vystavili kryminalnyja abvinavačańni, vystupiłałaŭreat Nobieleŭskaj premii Śviatłana Aleksijevič.
Kamientary