Pasoł Ukrainy ŭ Biełarusi Ihar Kizim ličyć, što paśla ŭviadzieńnia vajennaha stanovišča ŭ asobnych abłaściach Ukrainy rasijskich hramadzian buduć praviarać bolš uvažliva na miažy. Ale incydent u aeraporcie ŭ Kijevie jon nie źviazvaje z uviadzieńniem vajennaha stanovišča, piša Tut.by.
— Kali pryjazdžaje čałaviek, jaki na miažy vyrazna nie moža zajavić, čamu jon pryjechaŭ, naturalna, u pamiežnaj słužby ŭźnikaje pytańnie: jon ščyry ŭ svaich žadańniach ci nie. Ja tak razumieju, rasijskija hramadzianie ŭ aeraporcie nie zmahli matyvavać svoj pryjezd. Rasijanie adčuvajuć siabie ŭ postsavieckich krainach tak, byccam jany haspadary, a nie hości. Dla ŭkraincaŭ heta zamiežnyja hramadzianie. U nas roznyja pašparty, isnuje miaža, tamu kožnaja kraina ŭstanaŭlivaje svoj režym ujezdu i vyjezdu. Pasprabujcie pajechać u Łondan i nie adkazać na pytańni pamiežnaj słužby, — prakamientavaŭ pasoł Ihar Kizim.
Nahadajem, 26-27 listapada kala piacidziesiaci hramadzian Rasii, jakija lacieli ŭ Kijeŭ praź Minsk, viarnuli ŭ biełaruskuju stalicu z-za taho, što ich nie prapuścili ŭkrainskija pamiežniki.
«My vielmi hetaha chočam, my nastojvajem» — pres-sakratarka Łukašenki raskazała, ci pojdzie toj na nastupnyja vybary11
Kamientary