Mininfarm: Dapuskajecca identyfikavać kamientataraŭ praz akaŭnty ŭ sacyjalnych sietkach
Z 1 śniežnia ŭstupaje ŭ siłu abaviazkovaja identyfikacyja internet-karystalnikaŭ na biełaruskich sajtach.
Za tydzień da hetaha ŭrad apublikavaŭ adpaviednaje pałažeńnie (PDF), u jakim tłumačycca, jakim čynam budzie adbyvacca heta identyfikacyja:
«Uładalnik internet-resursu ažyćciaŭlaje aktyvacyju ŭlikovaha zapisu karystalnika šlacham adpraŭki koda aktyvacyi ŭ sms-paviedamleńni na ŭkazany pry zapaŭnieńni karystalnickaj damovy numar mabilnaha telefona karystalnika ci z vykarystańniem inšych identyfikacyjnych dadzienych i techničnych srodkaŭ, jakija dazvalajuć identyfikavać asobu karystalnika».
Pra sms-paviedamleńnie ŭsio zrazumieła — karystalnik atrymlivaje kod i ŭvodzić jaho na sajcie.
Ale što takoje «inšyja techničnyja srodki»? Aficyjna dakumient pakul nie patłumačany, ale načalnica ŭpraŭleńnia pravavoha zabieśpiačeńnia i katrola za vykanańniem zakanadaŭstva Ministerstva infarmacyi Viktoryja Mialeška dała svaju interpretacyju.
«Pastanova Saŭmina dapuskaje vykarystańnie i inšych sposabaŭ, jakija dazvalajuć u vypadku čaho vyznačyć kamientatara. Pa słovach Viktoryi Mialeški, heta moža być, skažam, akaŭnt u sacyjalnaj sietcy», — havorycca ŭ kamientary «SB. Biełaruś siońnia».
Atrymać apieratyŭnaje tłumačeńnie Ministerstva infarmacyi nie ŭdałosia.
Kamientary