MZS Estonii ŭ suviazi z prymianieńniem vajennaj siły Rasii suprać ukrainskich vajskoŭcaŭ i karabloŭ VMS u Kierčanskim pralivie vyklikała pasła Rasii ŭ Estonii Alaksandra Piatrova, piša Postimees.
Kiraŭnik MZS Śvien Miksier adrazu ž paśla hetych padziej asudziŭ napad Rasii ŭ Kierčanskim pralivie, padkreśliła ministerstva ŭ pres-relizie. «Heta naŭmysnaja eskałacyja napružańnia, hrubaje parušeńnie mižnarodnaha prava i ahresija suprać suvierenitetu i terytaryjalnaj cełasnaści Ukrainy z boku Rasii», - zajaviŭ kiraŭnik MZS.
Na sustrečy z pasłom MZS Estonii zaklikała Rasiju nieadkładna vyzvalić karabli i členaŭ ich kamand. U MZS taksama padkreślili, što Rasija pavinna harantavać svabodu navihacyi sudam Ukrainy i inšych krain u Kierčanskim pralivie i Azoŭskim mory ŭ adpaviednaści ź mižnarodnym pravam.
Kamientary