Abvinavačvanaj pa «spravie BiełTA» zastałasia tolki hałoŭnaja redaktarka Tut.by
29 listapada było zadavolena chadajnictva hałoŭnaha redaktara BiełaPAN Iryny Leŭšynaj ab spynieńni kryminalnaha pieraśledu na padstavie art. 86 KK (Vyzvaleńnie ad kryminalnaj adkaznaści z pryciahnieńniem asoby da administracyjnaj adkaznaści).
Iryna Leŭšyna zapłaciła administracyjny štraf 30 bazavych vieličyń (735 rubloŭ). Zaraz pa «spravie BiełTA» jana prachodzić jak śviedka. Padpiska ab niavyjeździe admieniena, jak i zabarona na vyjezd z krainy. Akramia hetaha, Leŭšynaj viarnuli žorstkija dyski, kanfiskavanyja ŭ žniŭni pry vobšuku ŭ jaje doma, a taksama pry pieratrusie ŭ redakcyi kampanii BiełaPAN.
Abvinavačvańni ź Iryny Leŭšynaj byli źniatyja ŭ dzień jaje naradžeńnia.
Na hety momant abvinavačvanaj pa «spravie BiełTA» zastajecca tolki hałoŭny redaktar partała Tut.by Maryna Zołatava. Marynu Zołatavu abvinavačvajuć pa č. 2 art. 425 Kryminalnaha kodeksa Biełarusi (Biaździejnaść słužbovaj asoby). Sankcyi pa hetym artykule praduhledžvajuć ad štrafu da piaci hadoŭ pazbaŭleńnia voli. Usiaho ž pa «spravie BiełTA» prachodzili 15 žurnalistaŭ i redaktaraŭ.
Babaryka try chviliny adkazvaŭ na pytańnie, čyj Krym. Tak i nie adkazaŭ89
Kamientary