Biełaruskaja ŭnijackaja carkva ŭ Łondanie pieramahła ŭ katehoryi «Najlepšy relihijny budynak» na Suśvietnym architekturnym fiestyvali ŭ Amsterdamie, piša Radyjo Svaboda.
Pra heta ŭ čaćvier pozna ŭviečary było abvieščana ŭ stalicy Niderłandaŭ, dzie adbyłasia ŭračystaja cyrymonija abviaščeńnia łaŭreataŭ premii. Videa momantu abviaščeńnia pieramožcy ŭ naminacyi za najlepšy relihijny budynak źmieščanaje ŭ fejsbuk-akaŭncie kampanii Spheron Architects, jakaja źjaŭlajecca aŭtaram prajekta biełaruskaj carkvy.
Carkvu Śviatoha Kiryły Turaŭskaha pabudavali kala Biełaruskaj katalickaj misii ŭ Łondanie ŭ 2016 hodzie. Jana stała pieršym draŭlanym chramam Łondana z 1666 hoda. Carkva — chram-pomnik achviaram trahiedyi na Čarnobylskaj AES. Kab adčuć biełaruskuju architekturu, So Czyŭaj admysłova pryjazdžaŭ u Biełaruś i znajomiŭsia z aŭtentyčnymi draŭlanymi cerkvami.
Štohadovy Suśvietny architekturny fiestyval ličycca adnoj z najvažniejšych imprezaŭ u śviecie, pryśviečanych architektury. Na im uručajuć premii ŭ 24 naminacyjach.
Kamientary