president.gov.ua
Hiermanii i jaje sajuźnikam nieabchodna ŭzmacnić vajennuju prysutnaść u Čornym mory dla strymlivańnia Rasii, zajaviŭ prezident Ukrainy Piatro Parašenka ŭ intervju Funke Media Group. Jano apublikavana na sajcie kiraŭnika ŭkrainskaj dziaržavy.
«Nam treba ŭzmacnić vajenna-marskuju prysutnaść Hiermanii i sajuźnikaŭ u Čornym mory jak strymlivajučy faktar dla Rasii», — skazaŭ Parašenka. «Ahresiŭnyja dziejańni Rasii źjaŭlajucca nieprymalnymi. Mižnarodnaja supolnaść i abjadnanaja Jeŭropa pavinny ŭzmacnić cisk na Rasiju», — miarkuje jon.
«Nam patrebna mocnaja, adzinaja, niedvuchsensoŭnaja reakcyja ŭ dačynieńni da ahresiŭnych pavodzin Rasii. My pavinny spynić «Paŭnočny patok — 2». My pavinny ŭžo ciapier dumać pra novyja sankcyi», — dadaŭ Parašenka.
Pavodle jaho słoŭ, «usio zaležyć ad Rasii — krainy, jakaja viadzie hibrydnuju vajnu suprać Ukrainy».
«Maskva sprabuje atrymać naziemny kalidor z akupavanaha Danbasa na akupavany Krym, zachapiŭšy Maryupal i Biardziansk.
Kali niekatoryja palityki nie pierastanuć flirtavać i tancavać z Pucinym, to nichto nie pavinien vyklučać pahrozu taho, što maštaby rasijskaj ahresii buduć raści», - dadaŭ jon.
«Pa sutnaści, mienavita va Ukrainie ciapier vyrašajecca budučynia volnaha śvietu», - padvioŭ rysu prezident Ukrainy.